被棄唐狗變第一偵緝犬 

轉載自明報

http://news.mingpao.com/20130909/gzc1_image1.htm?Mode=1

唔少人都會有養寵物的霎時衝動，但熱情過後貓狗就要面對被遺棄命運。4個月大時被主人遺棄的雄性唐狗Noodle，被送到漁農自然護理署動物管理中心，好在由漁護署檢疫偵緝犬隊選中，展開新生，佢更加係全港首隻唐狗成為檢疫偵緝犬，至今「服役」9個月。 

百厭愛四圍索的偵緝犬

 Emily噚日在政府新聞網睇到有關Noodle的介紹，負責揀選狗狗入伍的訓練員嚴道亨話，有些主人覺得寵物百厭，唔適合家中飼養而遺棄佢地，但若狗狗鍾意四處尋索同咬野，反而適合訓練做偵緝犬。原來偵緝犬學習10至12種動物氣味，咁就幾乎能認出所有動物氣味，嚴道亭舉例話，偵緝犬分到雞的氣味，就可以同時認出鴨、鵝等家禽同雀鳥的味，認得到一種蛇的氣味亦可以分辨其他蛇類。 宜家漁護署有9隻偵緝犬，肩負重要使命的Noodle，每日用靈敏嗅覺，在各個入境口岸偵緝非法進口的走私野生動物同動物產品，偵緝犬隊仲讚Noodle適應力強、唔怕陌生環境。